Një 51 vjecar i shpallur në kërkim ndërkombëtar për trafik droge, u arrestua mëngjesin e kësaj të hëne në qytetin e Vlorës. Në sajë të operacionit policor të kodurar “Limit” u vendos në pranga Besnik Osmëni, banues në Vlorë, i cili ishte i shpallur në kërkim nga autopritetet italiane për trafik të lëndëve nartkotike. 51 vjecari akuzohet për kryerjen e veprës penale “Trafikimi i lëndëve narkotike”, parashikuar nga Kodi Penal italian. Ndaj tij, Gjykata e Apelit e Mesinas, Itali, ka vendosur dënimin me 8 vjet burgim. Osmëni u kap në flagrancë në lagjen “Pavarësia”, Vlorë dhe u arrestua përkohësisht, me qëllim ekstradimin drejt Italisë. Ky shtetas do mbahe në paraburgim deri në përfundimin e plotë të proceduarve, ku më pas do bëhet ekstradimi i tij drejt Romës. Interpol Tirana në bashkëpunim me autoritetet ligjzbatuese vijon punën për kapjen e persoave të tjerë të shpallur në kërkim ndëkombëtar nga autoritetet e huaja, të cilët fshihen në Shqipëri.