Një 46 vjecar shqiptar ka goditur me sende të forta vjehrrin e tij , për motive që ende nukl janë bërë me dije. Ngjarja ndodhi në në një lagje të Volos në Greqi, ku me gur e shkopinj ka tentuar të godasë vjehërrin në banesën e tij. Mediat greke bejnë me dije se fillimisht sherri ka nisur me ulërima dhe kërcënime, ndërsa banorët janë alarmuar nga zhurmat e shumta. Këta të fundit kanë vënë në dijeni policinë, të cilët mbërritën menjëherë në vendin e ngjarjes për të parandaluar një ngjarje të rrezikshme. Shqiptari gjithashtu dyshohet se ka tentuar të plagosë edhe vjehrën, e cila po ashtu ka qenë në shtëpi. Policia greke vuri në pranga shqiptarin I cili ka qenë problem edhe në raste të tjera për autoritetet. Ai ka mohuar para policisë përfshirjen e tij në këtë ngjarje. Autoritete greke bëjnë me dije se 46-vjeçari është arrestuar disa herë për incidente ndaj bashkëshortes dhe vjehrrit, pasi e ka rrahur dhe kërcënuar edhe me thikë. Sipas raportimeve të mediavegreke, thuhet se shqiptari është përdorues droge dhe ka probleme psikologjike, ndërsa ka ikur dy herë nga spitali psikiatrik.