Chelsea së shpejti mund të përballet me një problem jo të vogël që mund të komplikojë planet e merkatos së klubit londinez që në ditët e fundit ka nisur punën për kthimin e Antonio Contes në pankinë. Sipas asaj që publikohet te The Times, komisioni i pavarur i Premier League që merret me financat e klubeve. Ka ngritu dyshime për disa operacione financiare të kryera nga pronarët amerikanë të Bluve, thelbësore për të qenë në parametrat e Fair Play Financiar të vendosur në Angli. Në mënyre të vecantë këto dyshime i referohen shitjes së 2 hoteleve, ‘Millennium’ dhe ‘Copthorne’ nga Chelsea FC Holdings Ltd te Blueco 22 Properties Ltd me këtë të fundit që është një filial i Blueco 22 Ltd, që është kompania përmes së cilës Todd Boehly dhe ortakët e tij kontrollojnë Blutë.Është ky një operacion brenda familjes, por që i shërbeu Chelsea që të sigurojë të ardhura totale prek 76.5 milionë paundë që i dhanë mundësinë të sistemojë bilancin financiar të 2022/23 që rezultonte me humbje prej 89.9 milionë paundë.