Muaji janar ka regjistruar një numër rekord transferimesh të futbollistëve dhe futbollisteve në botë. Kjo është ajo që zbulohet nga raporti i International Transfer Snapshot i publikuar nga FIFA sipas të cilit në janar klubet kanë shpenzuar 1.57 miliardë dollarë ku padyshim janë anglezët që kryesojnë me 50% të totalit të transferimeve. Sipas këtij raporti 4378 transferime ndërkombëtare janë kryer vetëm në futbollin e meshkujve në sesionin e merkatos së janarit të këtij viti dhe kjo shifër përbën një rekord historik që nga momenti kur filloi të aplikohej Transfer Matching System në 2010. edhe shpenzimet totale të klubeve janë në nivele rekord teksa në janar janë investuar 1.57 miliardë dollarë, rreth 230 milionë më shumë në krahasim me rekordin e mëparshëm të vendosur në 2018.