Kryebashkiaku i Tiranës, Erion Veliaj dhe zëvendës kryeministrja, Belinda Balluku, inspektuan punimet në kantierin e projektit për ndërtimin e linjës së re hekurudhore Tiranë - Rinas – Durrës. Ky projekt pritet të përfundojë në vitin 2024. Veliaj: “Ne në Tiranë nuk do të vazhdojmë me të pesta këto platforma dhe trase, por vetëm më një trase të trenit elektrik. Do të kemi edhe tre stacione të tjera, te ‘Josif Pashko’, te ‘Jordan Misja’ dhe në fund të Bulevardit të Ri, ose siç quhen ndryshe ‘city stations’. Për të gjithë ata që kanë një shqetësim nëse do të ketë mallra, i siguroj se jo, nuk do të ketë mallra” Balluku e konsideroi këtë projekt inxhinjerik me një rëndësi të veçantë, pasi sipas saj do të bëjë të mundur lidhjen e Tiranës me Porto Romanon dhe portin e jahteve në Durrës.