Duket se në britaninë e madhe popullariteti i tyre ka arritur minimumin historik, por në SHBA, është një tjetër histori. Princi Harry dhe Meghan Markle, janë përzgjedhur nga revista Time, në listën e saj të përvitshme të 100 personave me më shumë ndikim në botë, për serinë e ikonave. Dhe pikërisht dukëve të Saseksit i është dedikuar një nga shtatë kopertinat që e përjavshmja amerikane ka rezervuar për numrin special. “Në një botë ku të gjithë kanë një opinion për persona që nuk i njohin, Duka dhe dukesha, kanë mbështetjen e personave që nuk i njohin. Nuk mjaftohen vetëm duke bërë pyetje. Zbresin në fushë”, shkruhet në koment. Kjo është hera e parë që një anëtar i familjes mbretërore pushton kopertinën e Time, por jo vetëm kaq: është edhe hera e parë që cifti pozon bashkë për kopertinën e një reviste. Lajmi i përfshirjes së Harryt dhe Meghanit në listën e Times është shpërndarë në ditën e ditëlinsjes së 37 të princit. Ndërkohë që u bën shoqëri atyre në 100-dëshen e parë edhe gjimnastja Simone Biles, aktorja Kate Ëinslet, këngëtarja Billie Eillish, etj.