Një vend i NATO-s mbylli në mënyrë dramatike një pjesë të kufirit të tij me Rusinë pasi "grupe të armatosura" misterioze u shfaqën pranë kufirit, duke shkaktuar frikë për një komplot të forcave të vladimir putinit. Lëvizja e papritur erdhi pasi personel i paidentifikuar me armë u pa pranë "Saatse Booty", një pjesë e e rrugës ku kufiri i Estonisë kalon shkurtimisht nëpër territorin rus. Burrat e armatosur mbanin veshur uniforma të pashënjuara dhe nuk ishin roje kufitare ruse, dhe kjo ngriti alarmin në Talin. Ngjarja ktheu në kujtesë "burrat e vegjël të gjelbër" të Putinit, trupa të armatosura me uniforma misterioze të përdorura për të pushtuar Krimenë në vitin 2014. Një burim i rojes kufitare estoneze tha: "Ne kemi parë njësi të mëdha me aktivitet intensiv. Këta përfundimisht nuk janë roje kufitare. Për ne, kjo përbën qartazi një kërcënim". Pamje nga zona tregonin grupe rusësh të armatosur që lëviznin pranë pikës së kalimit kufitar. Estonia shihet gjerësisht si anëtari më i prekshëm i NATO-s ndaj një pushtimi të mundshëm rus.