Hamasi konfirmoi se lirimi i izraelitëve të mbajtur peng prej tij në Gaza nisi të hënën në mëngjes. Lajmi u konfirmua nga një zëdhënës i grupit, lidershipi i të cilit e cilësoi megjithatë si “absurd” dhe të pakuptimtë propozimin që udhëheqësit e Hamasit të largohen nga Rripi i Gazës, siç parashikohet në planin e paqes të Donald Trump, është " i pakuptimtë. “Diskutimi për t'i detyruar palestinezët, qofshin të Hamasit apo jo, që të largohen nga toka e tyre është absurd dhe asnjë palestinez nuk ka për ta pranuar, u shpreh Hossam Badran, drejtuesi i krahut politik të organizatës fundamentalist, i cili paralajmëroi gjithashtu se Hamasi do t'i përgjigjet "çdo agresioni izraelit" nëse lufta rifillon. Hamasi gjithashtu nuk dëshiron çarmatim të plotë dhe synon të integrojë militantët e tij në një strukturë ushtarake palestineze. Së bashku me grupet e tjera terroriste, ai hedh poshtë çdo "kujdestari të huaj" mbi Gazën e pasluftës. Zyra e kryeministrit izraelit Benjamin Netanyhu raportoi ndërkohë se kanë komunikuar me Koordinatorin e Pengjeve, Gal Hirsch dhe janë plotësisht të përgatitur t`i tërheqin të gjithë. Paskësaj megjithatë, nga sa pohoi ministri i mbrojtjes, Israel Katz, ushtria e shtetit hebre do të shkatërrojë të gjitha tunelet e nëndeshme të grupit militant në enklavë.