Qëndrimet për dekada të Greqisë me Shtetet e Bashkuara të Amerikës, shpesh pro dhe në jo pak raste edhe kundër kanë marrë më në fund një tjetër kthesë. Greqia ka mirëpritur vendimet e Shteteve të Bashkuara të Amerikës, duke i kthyer kurrizin Rusisë. Në një analyze të veçantë, revista europiane “Politico” bën të ditur se gati 40 vjet më parë, populli grek po marshonte në rrugë kundër bazave ushtarake amerikane në rajon, por vitet e fundit, marrëdhëniet SHBA-Greqi janë bërë shumë më të ngushta e madje më të forta se kurrë. Dhe shumica e këtij bashkëpunimi ka prekur drejtpërdrejt Rusinë.