Vendimi i Gjermanisë për të rikthyer kontrollet kufitare për të parandaluar migrimin e parregullt është kritikuar nga mediat dhe politikanët në Greqi, duke e cilësuar vendimi si anti-europian dhe si dëshmi të kapitullimit të qeverisë gjermane ndaj partisë ekstremiste të djathtë si Alternativa për Gjermaninë. Frika për një efekt domino, se dhe vendet anëtare të Bashkimit Europian ndjekin shembullin e Gjermanisë po rritet në Athinë. Qeveria greke ka frikë se Gjermania mund të refuzojë migrantët që kërkuan azil gjatë qëndrimit të tyre në Gjermani, duke mbetur në Greqi. Sipas mediave greke, Scholz po bën presion për kthimin e 30,000 afganëve në Greqi dhe po ofron 15,000 euro për secilin migrant”. Aktualisht në Greqi nuk ka një krizë migrantësh, dhe vetëm 5% e popullsisë e sheh migrimin si problem kryesor. Athina është e mendimit që vendimi i kancelarit Scholz për të rivendosur kontrollet kufitare ishte një reagim i pamatur ndaj rritjes së ekstremit të djathtë në Gjermani dhe po i bën një dëm të përhershëm traktateve europiane si Marrëveshja e Shengenit. Kryeministri grek Mitsotakis e ka bërë të qartë që Greqia nuk mund të përballojë një ngarkesë joproporcionale kur bëhet fjalë për migrimin.