Një vendim historik është dhënë këtë të mërkurë nga gjykata greke që e ka shpallur ‘Agimin e Artë’ organizatë kriminale. Fajtorë si pjesëtarë të kësaj organizate kriminale u shpallën dhe 20 prej drejtuesve më të lartë të Agimit të Artë, nga të cilët 18 deputetë. Sipas vendimit të gjykatës greke 7 prej deputetëve, mes tyre edhe themeluesi I Agimit të Artës, Nikos Mihaloljakos, janë shpallur fajtorë si drejtues të kësaj organizate kriminale. 11 deputetë të tjerë dhe 2 drejtues lokalë janë shpallur fajtorë si pjesëmarrës në organizatë kriminale. Janë dhjetëra akte dhune barbare të shenuara ndër vite,ku mes vimtimave të dhunës së organizatës famëkeqe janë renditur edhe emigrantë shqiptarë, të cilët janë rrahur dhe dhunuar prej togave ndëshkuese të agimit të artë, shpesh edhe nën aprovimin në heshtje të policisë, e cila në jo pak raste, ka mbështetur aktet e dhunës ndaj emigrantëve që kjo organizatë kryente. Fundi i ogranizatës famëkeqe që mundi të kthehej në parti politike, madje mundi të sigurojë edhe 17 deputetë në parlamentin grek në vitin 2012, nisi me ekzekutimin e Pavllos Fishas në prill të 2015, ku me urdhër të prokurorisë u arrestuan gjithe krerët e organizatës dhe u bë i mundur dergimi i saj përpara drejtësise.