Një 27-vjeçar shqiptar është vënë në pranga nga policia greke, si autor i dyshuar i grabitjes së përgjakshme në një tabakino në Selanik që përfundoi me vrasjen e një punonjësi 44-vjeçar. Mediat greke bëjnë me dije 27 vjecari u arrestua në shtëpinë e tij mëngjesin e së hënës, ndërsa bashkëpunërtori i tij grek, 35 vjeç ishte arrestuar mbrëmjen e të dielës. Ngjarja e rëndë u regjistrua të shtunën ku një person me fytyrë të mbuluar hyri në dyqan dhe nën kërcënimin e armës mori një shumë parash nga dyqani. Por ndërsa punonjësi ka bërë rezistencë duke reaguar, grabitësi e ka goditur me dorezën e armës në kokë. 44-vjeçari është dërguar në spitalin e qytetit, ku fillimisht janë konstatuar dëmtime kraniocerebrale. Pak më vonë ai ndërroi jetë. Zyrtarisht nga policia nuk jepet një shifër për shumën e grabitur por mediat greke kanë raportuar për 700 euro. Nga ana e policisë dhe prokurorisë vijojnë hetimet për zbardhjen e ngjarjes.