Një gjykatë ka pezulluar vendimin për mbylljen e bareve dhe restoranteve në berlin, duke iu bashkuar të tjerave në gjermani që rrëzojnë masat e vendosura nga qeveria e që kanë si qëllim të ndalojnë përhapjen e mëtejshme të virusit. Qeveria lokale e berlinit vendosi një ndalim qarkullimi gjatë natës nga ora 23 e mbrëmjes deri në 6 të mëngjesit për të ndalur rritjen e infektimeve, një javë më parë. Të premten, një zëdhënës i gjykatës administrative të berlinit tha: Masa është pezulluar për momentin pasi gjykata e konsideron jo proporcionale. Gjykata tha se nuk kishte prova se baret dhe restorantet që ndjekin rregullat për mbajtjen e maskës dhe distancimin social, kontribuojnë në rritjen e shkallës së infektimit. Vendimi ishte një reagim ndaj aksionit ligjor të ndërmarrë nga 11 pronarë restorantesh që kundërshtuan masën për mbylljen por jo atë për ndalimin e shitjes së alkoolit pas orës 23.00. Disa qytete të tjera, përfshirë zemrën financiare Frankfurtin, kanë vendosur mbylljen më herët të bareve dhe restoranteve. Landet gjermane kanë rënë dakord me kancelaren merkel këtë javë se masa të tilla duhet të jenë automatike sapo shkalla e infeksionit në një zonë të caktuar kapërcen 50 për 100 mijë banorë gjatë një jave. Gjermania, ashtu si edhe vende të tjera të evropës, po përballet me një rritje të ndjeshme të infektimeve nga koronavirusi me 7300 raste të reja të raportuara vetëm për 24 orët e kaluara.