Cdo mëngjes dhe mbrëmje, për këto ditë të fundit, fshatarët i janë drejtuar pyjeve taiga rreth Teryut-it me një detyrë në dukje të pamundur: të shuajnë flakët që po gllabërojnë gjithcka prej një muaji, duke iu afruar gjithnjë e më shumë shtëpive të tyre e duke e mbuluar këtë fshat në siberinë lindore, me një tym vrasës. Deri më tani, pak kanë mundur të bëjnë. Në mesin e sezonit më të rëndë të zjarreve që ata mund të kujtojnë, banorët lokalë po përpiqen të mbrojnë fshatin e tyre deri në fund dhe kanë larguar fëmijët e vegjël, për ti mbajtur të sigurt nga smogu ndërkohë që ata luftojnë me flakët. “Prej një muaji nuk mund të shohim asgjë tjetër përvec tymit”, thotë një banor. “I kemi larguar fëmijët e vegjël ndërsa zjarret tani janë shumë pranë, vetëm 2 km larg fshatit tonë”. Zjarret e jashtëzakonshme në pyje, kanë djegur deri më tani 1.5 mijë hektarë tokë në siberinë veri lindore dhe kanë shpërndarë një smog mbytës në të gjithë rajonin e Jakutisë në Rusi. Zyrtarët e kanë cilësuar motin e kësaj vere, më të thatin në 150 vitet e fundit. Dhe kjo pason pesë vite me verë të nxehtë që sipas fshatarëve, i kanë shndërruar pyjet përreth dhe fushat, në një shkrumnajë.