Numri dy i socialistëve, Damian Gjiknuri së bashku me kandidatin për Bashkinë e Elbasanit, Gledian Llatja uruan festën e Fiter Bajramit për të gjithë besimtarët myslimanë. “Unë dua të përfitoj nga kjo ditë feste dhe e shënuar, t’u uroj të gjithëve besimtarëve, por dhe gjithë shqiptarëve kudo ku ata janë, gëzuar Bajramin, zoti i bekoftë dhe shqiptarët paçin ditë më të mira, me energji pozitive dhe me gjithçka të bukur jo vetëm në këtë qytet, por në të gjithë vendin tonë kudo që ndodhen” Kryetari i Bashkisë së Elbasanit deklaroi se ky ka qenë një muaj i bekuar për qytetin, ku bashkëjetesa fetare është vlerësuar gjithmonë. “Ka qenë një muaj sakrifice për të gjithë besimtarët myslimanë. Dua t’ju uroj gëzuar Bajramin, qoftë e pranuar sakrifica e tyre. Gjithë ky muaj ka qenë muaj I bekuar se kanë qenë shumë festa. Ne në Elbasan festojmë dhe kemi një bashkëjetesë fetare shumë të mirë dhe të vlerësuar nga të gjithë. Vit i mbarë për të gjithë dhe uroj që dhe vazhdimi të jetë I mbarë! Jemi besimplotë për këtë” Duke u ndalur tek fushata për zgjedhjet lokale të 14 majit, Gjiknuri u shpreh se palët kanë divergjenca dhe filozofi të ndryshme politike por sipas tij e rëndësishme është që në këto zgjedhje Elbasanit t’i hiqet stigma e krimit.