Drejtori i institutit Robert Koch në gjermani ka paralajmëruar se mund të ketë deri në 100 mijë infektime të reja me koronavirus në ditë, në vend, nëse përhapja e virusit nuk do të ndalet. “Mund të shkojmë deri në 100 mijë raste në ditë”, tha Lothar Wieler në konferencën e përjavshme për shtyp, duke konfirmuar më tej se vendi ndodhet aktualisht në fillimet e valës së tretë të pandemisë. Ministri i jashtëm gjerman, Jens Spahn ndërkohë, paralajmëroi se sistemi shëndetësor gjerman, shumë shpejt mund të tejngarkohet, nëse shifrat do të vazhdojnë të rriten. Për momentin, shifrat po rriten shumë shpejt dhe variantet e reja të virusit e bëjnë situatën shumë të rrezikshme. Nëse do të vazhdohet kështu, rrezikojmë që sistemi ynë i kujdesit shëndetësor të arrijë pikën kritike gjatë prillit E gjithë kjo vjen pas raporteve se gjermania do të klasifikojë francën si një zonë me rrezik të lartë koronavirusi, sipas kancelares angela merkel, cka do të bënte që berlini të forconte kontrollet në kufi dhe të kërkonte karantinë të detyrueshme në hyrjen në vend. Paralajmërimi i institutit Robert Koch ndërkohë pason edhe kthesën e qeverisë në raport me izolimin e planifikuar për pashkë, që do të bënte që dyqanet dhe kishat të mbylleshin për pesë ditë.