Një trup i karbonizuar u gjet nga ekipet e shpëtimit këtë të dilë benda një kabine kamioni në hambarin e anijes “Euro Ferry Olimpia”, e cila u përfshi nga flakët dy ditë më parë në ngushticën e Korfuzit. Nuk dihet se kujt prej viktimave I përket trupi I pajetë, ndërsa pritet të dalin analizat dhe të konfirmohet emri i të ndjerit. Nga 11 personat e zhdukur, 7 prej tyre ishin me shtetësi bullgare, tre ishin grekë dhe njëri turk. Ende nuk dihet fati i 10 personave të tjerë, nuk dihet nëse janë ende gjallë apo kanë vdekur, ndërsa kërkimet nuk kanë ndaluar asnjë moment. Në anijen e linjës Greqi-Itali po udhëtonin 239 pasagjerë dhe 51 anëtarë të ekuipazhit, ndërsa anija u përfshi nga flakët në ngushticën mes Shqipërisë dhe ishullit të Korfuzit. Trageti ishte nisur nga Igumenica, porti më i madh në Greqinë perëndimore, drejt portit Italian të Brindisit, që ndodhet rreth nëntë orë larg. Kur ra zjarri, anija ishte në ujërat greke, por rrymat detare e kanë shtyrë së fundi në ato shqiptare.