Gjykata Themelore në Ferizaj ka aprovuar kërkesën e Prokurorisë për paraburgim të Gëzim Çelës, i kërkuar nga Autoritetet e Shqipërisë për trafikim narkotikësh dhe mbajtje të armëve pa leje. elë është arrestuar në Kosovë në kuadër të operacionit Flakë në Det, ndërsa u shpall në kërkim nga policia shqiptare. Celë, njohur si një nga organizatorët kryesorë të trafikut të kokainës dhe heroinës në Evropë, dyshohet se kishte planifikuar trafikimin e substancave narkotike përmes një veliere kapur në Luginën e Patokut. Në operacionin Flakë në Det, u arrestua ish-shefi i policisë së Lacit, Dritan Metaj, dhe u shpallën në kërkim disa persona të tjerë, përfshirë Arben Dalipin, Ronald Guzajn, Arlind Ismailukaj, Armando Memën, Nerim Celën, Besnik Brokerin, Kirilo Ponomarenko dhe Kostiantin Biellon, të cilët dyshohen për vepra të trafikut të narkotikëve dhe formimit të një grupi kriminal të strukturuar. Gëzim Çela është një figurë e njohur për policinë shqiptare, i dënuar më herët për trafik droge dhe shfrytëzim të prostitucionit, si dhe për operacionin e një laboratori të heroine në Fushë Kuqe të Kurbinit. Në 2014, një operacion i policisë shqiptare dhe atij të Kosovës zbuloi një grup kriminal të përfshirë në trafik droge nga Turqia drejt Europës Perëndimore, duke gjetur sasi të konsiderueshme të kanabisit dhe kokainës në banesën e Çelës.