Georgios Gerapetritis është ministri i ri i Jashtëm i Greqisë, teksa detyrën e ka nisur pikërisht me një takim me homologun e tij qipriot Konstantinos Kobo. Në konferencën për shtyp pas takimit Gerapetritis u kujdes t’i dërgojë një mesazh të qartë edhe Turqisë, duke theksuar se Greqia nuk do të tërhiqet nga linjat dhe prioritetet e saj kombëtare. “Ne jemi gati të përfitojmë nga klima aktuale dhe të krijojmë kushte për dialog bazuar në ligjin e detit për përcaktimin e shelfit kontinental. Mbetet për t'u parë nëse Turqia do të përfitojë nga kjo klimë, pasi Greqia nuk do të tërhiqet nga linjat kombëtare dhe prioritetet kombëtare”, u shprëeh Gerapetritis. Lidhur me çështjen e Qipros, Giorgos Gerapetritis theksoi se "gjetja e një zgjidhjeje të drejtë, të qëndrueshme dhe të pranueshme reciprokisht është një prioritet kombëtar i lartë i politikës së jashtme të Greqisë.