Një 33 vjecar shqiptar është vënë në prangat e policisë italiane, pasi akuzohet për trafikim droge. Nga raportimet e mediave italiane, bëhet me dije se prej 6 ditësh, shqiptari kishte furnizuar me drogë një festë e cila konsiderohej e paligjshme pranë Viterbo, një zonë që ndan Toskanën me Lazion. Policia italiane njoftoi se 33 vjecarit iu gjet dhe iu sekuestrua një sasi e madhe kokaine, marihuana dhe hashashi. Droga ishte e fshehur në xhamin e përparëm si dhe në motorin e makinës që qarkullonte shtetasi shqiptar. Mediat italine raportuan se shqiptari u arrestua menjëherë dhe u dërgua në një burg pranë Sienës. Festa e cila konsiderohet e jashtëligjshme, mblodhi të rinj nga e gjithë Europa, ndërsa nuk dihet se sa prej tyre janë furizuar nga shqiptari me lëndë narkotike. Policia ndërhyri me forcë në feste, pasi identifikoi mbi 3 mijë persona që ishin mbledhur për të festuar si dhë me shumë se 1 mijë automjete.