Disa nga pemët 230 vjecare të pyllit mbretëror të Berces, në rajonin Loire të Francës, do të priten për të ndërtuar një pjesë të rrënuar të katedrales së Notre Damit, e cila u dogj në 2019. Vetëm një fidan që daton që prej Revolucionit Francez, është I gjatë 65 metra . Ai bashkë me 1000 lisa të tjerë do të përdoren për të rindërtuar rrjetën prej druri të catisë dhe për të zëvendësuar bazën e bishtit të rënë të përfshirë nga flakët që shkatërroi ndërtesën gotike. “Është jeta e dytë më e mirë që mund ti japim një peme”- tha Claire Quinones, rojtare dhe përgjegjëse për mbrojtjen dhe menaxhimin e pyllit. Pemët e zgjedhura do të priten para fundit të marsit dhe do të thahen për 12 deri në 18 muaj për t'u siguruar që trarët nuk do të tkurren. Sipas gjeneralit të ushtrisë përgjegjëse për rindërtimin e Notre Dame, këto pemë u mbollën nën mbretërimin e Louisit XIV në mënyrë që të siguronin dru për të ndërtuar anijet që i përkisnin marinës franceze. Përveç tetë lisave që zbresin në Bercé, më shumë pemë janë dhuruar nga mbi 200 pyje në të gjithë vendin - të katër anët e Francës do të përfaqësohen brenda katedrales pasi të ketë përfunduar puna e ndërtimit.. Notre Dame është planifikuar të rihapet në 2024.