Izmir Sakica dhe Samuel Troshani, dy të rinjtë që akuzohen për sulmin me armë zjarri në Rranzë te Bushatit, ngjarje e shënuar në gusht 2024 do qëndrojnë në qeli. Apeli i Posaçëm la në fuqi vendimin e dhënë nga shkalla e parë në 20 shkurt. Vendimi u dha mëngjesin e kësaj të enjte nga gjyqtarja Nertina Kosova. Për sulmin me armë zjarri në Bushat në kërkim vijojnë të jënë Franko Leka dhe Aleksander Prendi. Ndaj tyre është ngritur akuza e grupit të strukturar kriminal. Nga hetimet e Prokurorisë së Posaçme Sakica, Troshani dhe Leka bashkë me disa persona të tjerë ta pa identifikuar, të armatosur dhe më makina të blinduara u nisën drejt Bushatit për të vrarë antarët e familjës Prendi. Por në momentin që grupi i armatosur shkoi ne Bushat, Prendi i ka pikasur duke qëlluar mbi makinat e blinduara. Organi i akuzës dyshon se aty ka pasur shkëmbim zjarri pasi janë konstatuar gëzhoja të ndryshme në vendin e ngjarjes. Shkaku i përplasjes mbetet ende mister, teksa hetimet vijojnë ende. Për këtë ngjarje, Troshani dhe Sakica u vetëdorëzuan në 22 janar të vitit 2025, teksa ata dyshohen se janë të përfshirë edhe në Masakren e Dobracit, ku humbën jetën 4 persona.