Emisioni investigativ Fiks Fare ka denoncuar cdo shkelje kundra ligjit dhe ka raportuar cdo shqetësim të qytetarëve të thejshtë, ku thuajse të gjitha problematikat janë zgjidhur përmes trajtimit të tyre në emisionin më të ndjekur në vend. Në puntatën e kësaj të mërkure, është trajtuar problemi i një zonje të moshuar, djali i së cilës ka humbur jetën 7 vite më parë nga një aksident automobilistik dhe fajtor për këtë fatkeqsi kanë bërë djalin e saj të ndjerë. Gruaja e moshuar me lot në sy ka rrëfyer për grupin e xhirimit të Fiks Fare se fajtor për këtë aksident nuk ka qenë djali i saj, por personi tjetër që po qarkullonte me një kamioncinë në momentin e përplasjes. Mirëpo, nga ana tjetër, prokurori I cështjes Platin Aliçka thotë se faji ka qenë i Gjergji Panxhit, pra djalit të zonjës në fjalë. Kjo e fundit nuk ka besim tek drejtësia shqiptare ndaj dhe kërkon ndihmën e Fiks Fare, pasi mendon se prokurori nuk ka hetuar fare. Gazetarët e Fiksit kanë takuar ekspertin Gëzim Hoxha, ku ky i fundit rindëroi edhe njëherë skemën e vendit ku ka ndodhur aksidenti, ku sipas tij bazuar nga akti i ekspertimit, fajtor për aksidentin është drejtuesi i kamionçinës dhe jo viktima.