Policia Rrugore e Tiranës ka arrestuar dhe proceduar penalisht 11 drejtues mjetesh që u kapën duke drejtuar automjetin nën efektin e alkoolit ose pa leje drejtimi gjatë 72 orëve të fundit. Pas kotrnolleve të shtuara të policisë janë bllokuar 14 automjete dhe janë tërhequr 11 leje qarkullimi për shkelje të Kodit Rrugor. Sakaq në total, janë vendosur 3900 masa administrative për parkim të gabuar dhe 54 gjoba për tejkalim të shpejtësisë, të konstatuara nga makinat inteligjente të Policisë. Policia Rrugore apelon sërish se drejtimi i automjetit në gjendje të dehur, pa leje drejtimi, si dhe shkeljet e tjera të rënda, përbëjnë rrezik serioz për jetën e qytetarëve dhe thekson se ka intensifikuar kontrollet në akset kryesore të kryeqytetit, me synim parandalimin e aksidenteve dhe rritjen e sigurisë rrugore.