Aminata Traoure i mbijetoi tragjedisë në det në të cilën, fatkeqësisht humbi vajzën e mitur, motrën dhe mbesën e saj. Por ajo është e vendosur sërish të ngjitet mbi një barkë në një tjetër përpjekje për të kaluar ilegalisht në evropë. Për 28 vjecaren nga Bregu i Fildishtë, kalimi i rrezikshëm i mesdheut nga Tunizia, në afrikën e veriut, është e vetmja mënyrë për të ndërtuar një të ardhme më të mirë. “Ikja nga Tunizia mund të zbusë dhimbjen time”, thotë ajo. Përpjekja e parë e saj përfundoi në tragjedi më 9 mars, kur anija në të cilën ajo u ngjit, u përmbys në mesdhe dhe ajo përfundoi në ujë bashkë me rreth 200 persona të tjerë. Mes 39 personave që u mbytën, ishte edhe Sangare Fatim, vajza e saj vetëm 15 muajshe. Ajo thotë se do të donte të kthehej në shtëpinë e saj, në bregun e fildishtë, rreth 3 mijë km në jugperëndim, përmes rërës së saharasë, por ajo nuk mund ta përballojë. Cmimi i biletës, plus një gjobë për qëndrimin e paligjshëm në tunizi, kushton më shumë se sa kalimi i detit për në evropë. Duhet ta provoj edhe një herë – thotë ajo.