Norvegjia planifikon t`i zgjerojë shpimet për naftë duke përfshirë zonat e paprekura të Arktikut, një lëvizje kjo që është parë më shqetësim nga ambjentalistët të cilët mendojnë se kërcënon një ekosistem tashmë të brishtë, ndërsa nga ana tjetër mund të shkaktojë dhe ngërc ushtarak me Rusinë. Zonat në fjalë janë shumë më larg në Arktik sesa lëshimet që presidenti amerikan, Donald Trump, pat njoftuar për Alaskën në fillim të këtij muaji. Ekspertët mendojnë se ky vendim rrezikon të sjellë përplasje me kombet e tjera që janë palë e traktatit 100-vjeçar Svalbard, i cili rregullon veprimtarinë në këtë zonë. Ilan Kelman, profesor në Universitetin Agder në Norvegji, I sheh me skepticizëm kërkimet për naftë në kushtet e Arktikut, një mjedis që njihet për ashpërsinë e tij. “ Gjërat mund të shkojnë keq”, thotë ai, “ e mund të shkaktohen dëme të mëdha afatgjata”. Helge Ryggvik, historian i naftës në Universitetin e Oslos, thotë se masa e Norvegjisë është rezultat krizës me të cilën përballet industria e naftës dhe që u përkeqesua akoma më shumë prej pandemisë së koronavirusit. Me këtë lëvizje, Noregjia sipas tij po i afrohet limitit absolut të eksplorimit të pranueshëm për naftë nga vendet e tjera. WWF, Greenpeace dhe Nature & Youth i dërguan qeverisë novegjeze një letër të hapur, ku i tregonin 24 lëshime të tjera të bëra nga viti 2002 deri në 2019-tën kur janë dhënë licensa pavarësisht këshillave kundër eksplorimit atje.