Takimi midis Presidentit Donald Trump dhe atij rus Vladimir Putin është planifikuar paraprakisht për në fund të javës së ardhshme, tha një zyrtar i lartë i Shtëpisë së Bardhë të premten. Vendi i takimit është ende duke u diskutuar ende dhe përfshijnë Emiratet e Bashkuara Arabe, Hungarinë, Zvicrën dhe Italinë. Më herët mediat italiane raportuan se Trump i ka propozuar në telefon kryeministres italiane Giorgia Meloni që të organizojë takimin e tij me homologun rus në kryeqytetin e Italisë. Meloni pranoi menjëherë dhe, disa orë më vonë, senatori Rubio propozoi zyrtarisht Romën. Por kjo u hodh poshtë nga Kremlini që tha se Italia është shtet i afërt me Ukrainën. Detajet dhe logjistika e takimit Trump-Putin janë ende të paqarta, po ashtu edhe faktin nëse presidenti ukrainas Volodymyr Zelenskyy do të jetë i pranishëm. Zyrtari i Shtëpisë së Bardhë tha se rusët kanë ofruar një listë kërkesash për një armëpushim të mundshëm dhe SHBA-të tani po përpiqet të marrë mbështetjen e ukrainasve dhe aleatëve evropianë. Zelenskyy dhe zyrtarët ukrainas kanë thënë prej kohësh se nuk do të lëshojnë asnjë territor që Rusia e ka aneksuar në mënyrë të paligjshme. Në një deklaratë të premten, sekretarja e shtypit e Shtëpisë së Bardhë, Karoline Livitt, tha se “Presidenti Trump ka qenë i qartë që kur mori mandatin se kërkon negociata mes palëve. Një takim i mundshëm javën e ardhshme midis Trump dhe Putin do të jetë i pari midis dy udhëheqësve në mandatin e dytë të Donald Trump. Shefi i shtëpisë së Bardhë dhe Zelenskyy janë takuar disa herë gjatë shtatë muajve të fundit, përfshirë atë në Zyrën Ovale në shkurt dhe në funeralin e Papa Françeskut në prill.