Ekspertët thonë se presidenti rus, Vladimir Putin, ka plane që shkojnë përtej marrjes së territorit ukrainas, por përpjekjet e tij për të pushtuar gjithë vendin do të zgjasnin me dekada. Think tanku amerikan, Instituti për studimin e luftës, në analizën e fundit të tij thekson se Vladimir Putin me shumë gjasa i ka thënë të dërguarit të Donald Trump, Steve Ëitkoff, se ambiciet territoriale të Rusisë janë të kufizuara në pushtimin e rajoneve administrative të Luhanskut, Donetskut, Zaporizhias dhe Khersonit. "Putini me shumë gjasa po përpiqet ta paraqesë pushtimin e katër rajoneve nga Rusia si të pashmangshëm në mënyrë që të shtyjë Ukrainën dhe Perëndimin që të kapitullojnë para kërkesave të Kremlinit", thonë analistët. Megjithatë, ata nënvizojnë se "Pushtimi i katër rajoneve nga Rusia nuk është as i pashmangshëm dhe as i afërt, pasi forcat ruse do të përballen me pengesa serioze operacionale në ato që ka të ngjarë të jenë përpjekje shumëvjeçare".