Mjeku i njohur Tritan Kalo e ka nisur ditën me një mesazh pozitiv për qyetetarët, ndërsa ka dhënë informacion edhe për situatën në spitale. Kalo shkruan se fatmirësisht ka rënë numri i të shtruarve në spitale, si dhe numri i vdekjeve, por nuk mund të thërrasim ende "Fitore". Maskë, higjienë personale e kolektive, distancim fizik, si dhe vaksinimi kur është e mundur. Këto janë këshillat që ka mjeku për qytetarët. Ai shkruan se dita e punës fillon herët në Shërbimin e Sëmundjeve Infektive, ndërsa shton se mosha e të shtruarve varion nga 31 deri në 72 vjeç, me ose pa sëmundje bashkëshoqëruese Sipas mjekut Kalo numri i të shtruarve vërtet ka rënë kohët e fundit, fatmirësisht edhe humbjet e jetëve të të prekurve nga kjo “flamë mbarëbotërore”, por ende ka udhë për të bërë deri sa njëzëri të thërrasim FITORE!!!.... Pavarësisht nga kjo, mjeku Kalo bën thirrje për të mos nënvlerësuar efektshmërinë e trinomit të masave maskë, higjenë personale e kolektive, distancim fizik kur dhe ku është e mundshme, si dhe mundësinë e të Vaksinuarit me rastin më të parë që ju ofrohet.