Është ekzekutuar me armë zjarri një shtetas shqiptar rreth 50 vjeç në qytetin e selanikut pak pas orës 13:00 sipas orës lokale. Dëshmitarë okularë thanë se 50-vjeccari pati një sherr banal me një person ende të paidentifikuar, i cili qëlloi mbi viktimën të paktë 3 herë duke e lënë të vdekur në vend. Ngjarja ndodhi në një pikë karburanti në rrugën Solonos në zonën lindore të Selanikut. Ende nuk dihen rrethanat e ngarjes. Ndërkohë Policia ka nisur një operacion për identifikimin dhe rënien në gjurmët e autorit, i cili është larguar me shpejtësi rrugicat e lagjes. Policia po ashtu ka ngritur disa postblloqe në hyrje daljet e qytetit të Selanikut. Nga ana tjetër, po merren në pyetje personat që kanë parë ngjarjen, si edhe të afërm me viktimën, të cilët mund të kenë dijeni për ndonjë konflikt të mundshëm të viktimës.