Gjykata e Lezhës vendosi masën e sigurisë “arrest me burg” ndaj 45 vjeçarit Dashnor Tota i arrestuar dy ditë më parë si autori i dyshuar u vrasjes së 67 vjeçarit Dodë Mamli. Ndaj tij rëndojnë akuzat vrasje me paramendin dhe armëmbajtje pa leje. Ngjarja e rëndë u regjistrua pasditen e së hënës në fshatin Vilëz të Kurbinit. Policia arrestoi një ditë pas ngjarjes autorin e dyshuar, të cili iu gjet dhe arma me të cilën dyshohet se është vrarë Dodë Mamli. Nga hetimet e deritanishme ngjarja e rëndë ndodhi për motive pronësie. Një grup hetuesish po punon për zbardhjen e plotë të rrethanave dhe shkakut të vërtetë të vrasjes, për t ëbërë dokumentimin e plotë ligjor të tij. Ndërsa fillimisht u dyshua se ngjarja kishte në prapavijë gjakmarrjen, pasi në vitin 2015 djemtë e viktimës u përfshinë në një ngjarje ku mbeti i vrarë një person dhe u plagosën katër të tjerë. Megjithatë pritet të zbardhen detaje nga grupi hetimor për të hedhur poshtë këto pista. Për këtë janë shoqeëruar pas ngjarjes edhe të afërm dhe familjarë, të cilët janë pyetur lidhur me konfliktet që viktima mund të ketë pasur.