Shimpazetë nga dy kopshte zoologjike në Ceki, bashkohen përmes platformës së komunikimit Zoom dhe një ekrani të madh të vendosur jashtë kafazit të tyre. Parku safari Dvur Kralove nad Labem dhe kopshti zoologjik në Brno të Cekisë janë bashkuar për një projekt të hartuar për ta bërë izolimin e kafshëve më pak të mërzitshëm. Majmunët të cilëve u ka munguar vecanërisht shoqëria e njerëzve, tani argëtohen duke parë të ngjashmit e tyre tek ushqehen, luajnë apo edhe luftojnë me njëri tjetrin. Jetët e tyre të përditshme regjistrohen dhe transmetohen në you tube. "Ne jemi duke u përpjekur të sigurojmë disa argëtime për majmunët tanë në një kohë kur vizitorët nuk mund të vijnë në kopshtin zoologjik dhe këtyre kafshëve inteligjente u mungon stimuli i rëndësishëm argëtues." "Ne mund të shohim kur diçka ndodh me kafshët në Brno. Kur ka një konflikt ose ato ushqehen, kafshët tona reagojnë me shumë vëmendje.’ "Shumica e kafshëve tona uleshin me radhë para ekranit, ata kapnin arra dhe fruta me duar e këmbë dhe hanin. Ngjashmëria midis atyre dhe neve, ulur para TV ose kinemasw, ishte vërtet goditëse ”. "Ne jemi të lumtur që transmetimi në YouTube funksionon nga ora 8 e mëngjesit deri në 4 pasdite çdo ditë dhe ndiqet të paktën nga qindra fansa në çdo moment të caktuar."