SHBA vazhdon të planifikojë ti japë fund misionit në afganistan këtë muaj – tha Pentagoni ndërsa evakuimi i shtetasve amerikanë dhe atyre të vendeve aleate hyn në fzën e tij finale, të dëshpëruar, pasi një sulm kamikaz në aeroport mori të paktën 200 jetë njerëzish, mes të cilëve 13 ushtarë amerikanë. Më pak njerëz shiheshin në aeroport të premten dhe një burim i afërt tha për CNN se fokusi mbetej pritja e njerëzve me akses special të minutës së fundit në aeroport. Por burimi ka thënë edhe se zyrtarët janë të pasigurt se sa persona do të mund të hyjnë në aeroport. Më shumë se 200 persona u plagosën në sulmin e të enjtes, konfirmuan zyrtarët. Burime nga qeveria britanike thanë se dy britanikë të rritur dhe fëmija i një tjetër shtetasi britanik ishin mes të vrarëve në sulm. Sidoqoftë, pentagoni tha se shba vazhdon të planifikojë fundin e misionit në fund të muajit. Pentagoni edhe sqaroi se kishte një shpërthim të vetëm në portën Abbey në aeroportin ndërkombëtar Hamid Karzai të enjten, pasi më herët u fol se shpërthimet kishin qenë dy. “Kishte një lumë gjaku...nëse do të doje të ecje pak duhej më parë të kontrolloje që të mos shkelje ndonjë trup të pajetë”, thotë një dëshmitar. Pamjet: AFP