Një shpellë e quajtur Postojna në Slloveni, është një nga shpellat më të vecanta dhe më të vizituara në botë, ku përvec mrekullisë që ofron nga pamja, në të jetojnë dhe disa krijesa të çuditshme. Mediat e huaja, të cilat shpesh herë shkruajnë për të, thonë se shpella njihet edhe si shtëpia e specieve Olms ndyshe ‘dragonjtë e vegjël”. Speciet e njohura si Olms, janë salamandra të verbra, rreth 25 centimetra të gjata, që nuk zhvillohen më, pas fazës së tyre të mitur. Vendasit i quajnë “dragonj të vegjël”, duke qenë se besojnë që shpella ka qenë vendbanimi i dragonjve. Pamje e rrallë dhe e pazakontë e olmëve ka hamnitur turistët ndër vite, ndërsa kjo shtë nnë tjetër ardye spe shko shpellë vizitohet nga qindra turistë nga mbarë bota. Në pamje, ato ngjasojnë me peshqit, kanë lëkurë të lëmuar pa luspa, me ngjyrë rozë të çelur. Ndonëse janë të verbra, olmat gjithsesi mund të ndjejnë praninë e vizitorëve. Shpella e Postojnës rrethohet nga male të larta, lumenj që zhurmojnë dhe salla të gjera nëntokësore. Në pamje të parë duket si një sfidë e vërtetë për eksploruesit me stalaktitet që varen nga tavani i guvave nëntokësore.