Sonda kineze u ul të shtunën në Planetin e Kuq dhe zbarkoi roverin Zhurong, një triumph ky për ambiciet e Kinës drejt hapësirës. Sonda nisi uljen me anë të një parashute mespërmes atmosferës së Marsit, gjatë atyre që u quajtën “shtatë minuta të tmerrshme”, në një terren të gjerë me emrin Utopia Planitia. TV shtetëror beri të ditur gjatë programit “Nihao Mars” apo “Përshëndetje Mars”, se ulja u krye me sukses në vendin e caktuar. Kjo e bën Kinën shtetin e parë që ia del që në misionin e parë të kryejë orbitën, uljen dhe ecjen mbi Mars, ndryshe nga dy rivalët SHBA dhe Rusi, të cilave iu deshën disa misione. Presidenti Xi Jinping u dërgoi të gjithë pjesëtarëve të misionit përgëzimet e tij më të sinqerta. Kështu Kina, pas dërgimit të astronautëve ne hapërsirë, sondave në Hënë, dhe uljes në Mars, ka fituar cmimet më prestigjoze në garën për sundimin e hapësirës. Roveri me bateri diellore Zhurong, I cili ka 6 rrota dhe peshon 240 kg, ka për detyrë të mbledhë dhe të analizojë kampione nga sipërfaqja e Planetit të Kuq.