Dy të burgosur shqiptarë janë izoluar nga autoritetet greke në burgun e Serres, pasi dyshohen si autorë të plagosjes me thikë dhe sende të forta dy të dënuar romë. Shqiptarët, 45 dhe 42 vjeç, akuzohen se kanë sulmuar në korridoret e qendrës së paraburgimit romet 30 dhe 42 vjeç. Si pasojë, 30-vjeçari mbeti i plagosur në gjoks, pasi u godit me një thikë artizanale të përgatitur nga 45-vjeçari shqiptar, ndërsa 42-vjeçari tjetër rom mori plagë të rëndë pas u dhunua me grushta e shkelma. Viktimave iu është dhënë ndihma e parë nga një mjek i qendrës së paraburgimit. 45-vjeçari shqiptar vuan dënimin me 10 vjet e 2 muaj burg për për shpërndarje droge, ndërsa 42-vjeçari tjetër shqiptar është dënuar me 16 vjet për vrasje të mbetur në tentativë. Dy romët ndodheshin në qeli që të dy për akuzat e vjedhjes me pasoja të rënda.