Qoftë në Siri, Libi apo Azerbajxhan, dronët luftarakë të Turqisë kanë shënuar një sukses aq të madh sa Ankaraja tani po shpreson t`I përdorë në përmbushjen e synimit të saj për t`u kthyer në eksportuesin numër një të këtyre mjeteve ajore. Përpos aftësisë së tyre për të nxjerrë jashtë loje tanket armike, analistët thonë se dronët I ofrojnë gjithashtu Turqisë mundësinë të rrisë sferën e saj të influencës përmes një politike të jashtme gjithmonë e më këmbëngulëse. Ka drone të ndryshme nëpër botë dhe nëse shikoni cmimin dhe kapacitetet e tyre, dhe pastaj shikoni tonat, do të vini re se diferenca është shumë e madhe. Në fillim provat brenda kufijve, e pastaj fushëbetejat në Siri e më gjerë ishin një shembull shumë I mirë I suksesit të dronëve tanë. Sa më shumë që ne I përdorim ata, aq më shumë përmirësohet teknologjia dhe taktikat operacionale, e kjo ka bërë që të jemi tepër të suksesshëm dhe efikasë. Shembulli më I fundit është operacioni në Azerbajxhan, ku dronët turq shënuan një sukses dërrmues. Në Siri, Turqia përdori dronë të armatosur për t`u hakmarrë ndaj vdekjes së dhjetëra ushtarëve e për të ndaluar avansimin e forcave të regjimit në provincën veriperëndimore të Idlibit. Në Libi, avionët e saj pa pilotë I shkuan në ndihmë qeverisë aleate në Tripoli duke bërë që ajo të fitonte avantazh mbi forcat rivale të komandantit Khalifa Haftar në portat e kryeqytetit. Dhe vitin e kaluar, dronët turq ishin jetikë në përpjekjet e Azerbajxhanit për të rimarrë territore nga separatistët etnikë armenë. Të gjitha këto konfliktet pushtuan titujt e parë të gazetave dhe ediconmeve informative në mbarë botën duke u kthyer vec të tjerash edhe në rastin perfekt që Turqia të dilte në pah teksa po përpiqet të shndërrohet në një eksportuese ushtarake të rëndësishme, sidomos përsa I takon dronëve të armatosur.