110 kilogramë marijuanë janë kapur pranë kufirit greko-shqiptar mëngjesin e së dielës. Operacioni është zhvilluar në një zonë kufitare të Gumenicës në Greqi. Policia greke ka ndaluar një automjet që dyshohet se ishte ngarkuar në kufirin e gjelbër. Brenda automjetit janë gjetur dhe sekuestruar 102 pako ku ishte ndarë droga. Pako me drogë ishin vendosur në sediljet e pasme dhe në bagazhin e automjetit. Në prangat e policisë greke ka rënë një shtetas turk 43 vjeç, ndërkohë që vijojnë hetimet për identifikimin e bashkëpunëtorëve. Prej shtatorit 2025, periudhë kur nis korrja e marijuanë në Shqipëri, policia greke ka sekuestruar mbi 1.1 ton drogë që dyshohet se vinte nga kufiri. Rastet më të shumta janë evidentuar në Gumenicë në rrugë tokësore e detare por raste sekuestrimesh ka pasur edhe në Janinë, Selanik e Kostur.