Lëkundje të forta sizmike janë raportuar ditën e sotme në qytetin e Elbasanit dhe disa qytete te tjera. Sipas informacioneve të para lëkundja ka qenë me magnitudë 4 të shkallës Rihter. Mësohet se thellësia e valëve ka qenë 10 kilometra ndërsa epiqendra e tërmetit ka qenë 23 kilometra në jug-lindje të Tiranës ndërsa lëkundjet janë ndjerë në disa qytete. Ndërkohë që mëngjesin e kësaj të diele Greqia është tronditur nga një tërmet me magnitudë 5.1. Tërmeti goditi gjirin e Korinthit, në qendër të vendit dhe nuk ka patur raporte për dëme apo të lënduar thanë autoritetet. Qendra evropiane sizmiologjike, rishikoi vlerësimin e saj fillestar që fliste për një tërmet të magnitudës 5.7, duke thënë se tërmeti goditi në një thellësi prej pesë kilometrash nën sipërfaqe në gjirin që ndan greqinë qendrore nga gadishulli i peloponezit. Epiqendra e tërmetit ishte 16 kilometra larg qytetit Itea. Tërmetet e cekët ndjehen zakonisht më fort se ata të thellët pasi janë më afër sipërfaqes.