Prokurorit të përgjithshëm, Olsian Çela i ka mbërritur një raport për veprimtarinë e prokurorëve të cilët janë angazhuar në hetimin e dosjes 184. Në raport konstatohet një mosangazhim procedurial nga ana e prokurorëve, gjë që ka rezultuar në mosfillimin apo regjistrimin e procedimit penal, duke cënuar interesat e subjekteve të interesuara. Kyeprokurori, Olsian Çela, i ka dërguar një shkresë zyrtare Inspektorit të Lartë të Drejtësië, ku i kërkon të nisë menjëherë hetimet për dy prokurore të Dibrës, lidhur me dosjen e bujshme 184. Çela ka kërkuar hetimin e punës së prokuroreve Belinda Zeneli dhe Xhoana Mehmetaj, për veprime individuale të tyre gjatë ushtrimit të detyrës, të cilat mund të kenë rezultuar në krijimin e burokracive për zvarritjen e hetimeve për dosjen 184. Krahas Belinda Zenelit dhe Xhoana Mehmetaj, Çela kërkon të hetohet edhe drejtuesi i Prokurorisë së Dibrës, Rifat Kojku për mënyrën se si janë ushtruar kompetencat e dhëna nga ligji, në lidhje me masat e marra nga ana e tij, për të parandaluar situatën e krijuar në Prokurorinë e Rrethit Gjyqësor Dibër. Dosja 184, i referohet çështjes së denoncuar nga Partia Demokratike, në lidhje me shitblerjen e votës në zgjedhjet e parakohshme të vitit 2016 në Dibër. Pas shkarkimit të Shukri Xhelilit, Dibra zhvilloi zgjedhje ku fitues doli Muharrem Rama i Partisë Socialiste përballë Sherefedin Shehut të Partisë Demokratike. Kjo dojse ka kaluar disa herë për shqyrtim nga Dibra në Tiranë derisa SPAK në fund vendosi t’ia lërë si hetim prokurorisë së Dibrës, e cila dërgoi në gjyq si të pandehur katër ish zyrtarë të policisë dhe njësive administrative.