Luftëtarët e rezistencës në Afganistan kanë premtuar se do të vazhdojnë luftën kundër talebanëve, ndërkohë që trajnohen në stilin e trupave speciale britanike, SAS, në një fortesë mes malesh, në veri të Kabulit. Luanët e Panjshirit u panë të balanconin trarë druri mbi supe ndërsa canin në ujë në përgatitje për mbërritjen e forcave armike. Lugina e Panjshirit, e ndodhur mes maleve Hindu Kush, është rajoni i fundit që po i bën rezistencë talebanëve. Në të gjithë luginën, shihen forca të tjera ushtarake të rezistencës, të armatosura dhe që marshojnë përmes terreneve malore. Qindra luftëtarë anti talebanë, të njohur si aleanca veriore, janë betuar të shkërrmoqin xhihadistët dhe të mbrojnë 170 mijë banorët e luginës. Javën e kaluar u tha se talebanët u tërhoqën nga lugina pas një disfate të sikletshme përballë forcave të rezistencës afgane. Talebanët thanë se kishin dërguar qindra luftëtarë në rajon pasi ata pretenduan se zyrtarët lokalë refuzuan të dorëzoheshin paqësisht. Por më pas, u raportua se luftëtarët e rezistencës i kishin mundur talebanët në rajon. Ahmad Massoud, djali i komandantit të vrarë të milicive të aleancës veriore që u bashkua me SHBA për të rrëzuar talebanët nga pushteti në 2001, ndodhet po ashtu në Panjshir. Në intervista për mediat arabe ai ka thënë se luftëtarët e tij do ti bëjnë rezistencë cdo përpjekjeje për të marrë provincën me forcë, por se ishin të hapur për dialog. Besohet se Aleanca veriore mbështetet nga taxhikistani fqinj, pas fotove që tregonin një helikopter taxhik që ulej në luginë. Pamjet: AFP