Është finalizuar me sukses operacioni policor i koduar ‘Porositësit’, ku si pasojë 4 persona kanë rënë në prangat e policisë nën akuzën e shitjes së lëndëve narkotike. Policia e Durrësit bëri me dije se të arrestuarit janë Admir Dedja, 25 vjeç, Beart Ismailaj, 24 vjeç, Hismet Toro, 33 vjeç dhe Misim Koldashi, 55 vjeç, teë gjithë banue në Durrës. Ky i fundit është i shpallur në kërkim për veprën penale “Kultivimi i bimëve narkotike”. Uniformat blu njoftuan se këta shtetas, në bashkëpunim me njëri-tjetrin, po tentonin të shisnin, rreth 21 kg lëndë narkotike, kundrejt shumës 38.800 euro. Kjo sasi droge u gjet në garazhin e banesës së shtetasit Misim Koldashi dhe u sekuestrua në cilësinë e provës materiale. Materialet i kaluan Prokurorisë së Rrethit Gjyqësor Durrës, për veprime të mëtejshme. Nën drejtimin e Prokurorisë së Rrethit Gjyqësor Durrës, vijon puna për identifikimin e personave të tjerë të përfshirë në këtë veprimtari kriminale.