Për të parën herë që nga fillimi i pandemisë, Mbretëria e Bashkuar nuk ka regjistruar asnjë vdekje ditore të lidhura me koronavirusin. 3165 raste të reja COVID-19 u regjistruan në 24-orëshin e fundit, sipas të dhënave të qeverisë. të cilat deri më tani konfirmojnë efektivitetin e vaksinave në infeksionet përballë variantit indian të virusit. Shifrat e fundit vijnë pas një fundjave pushimesh, kur numri i vdekjeve dhe rasteve mund të jetë më i ulët për shkak të vonesave të raportimit. Dita e fundit pa vdekje nga Covid ishte më 7 Mars 2020, para bllokimit të parë. Më 10 maj të këtij viti, Anglia, Skocia dhe Irlanda e Veriut nuk raportuan asnjë vdekje, kurse Uellsi shënoi 4 viktima. Ndërkohë, 93,103 persona të tjerë morën dozën e parë të vaksinës së koronavirusit të hënën, duke e çuar totalin në 39,477,158. Rreth 195,546 njerëz morën dozën e dytë të hënën, që do të thotë se 25,734,719 janë vaksinuar plotësisht. Shifrat e së martës e çojnë numrin e përgjithshëm të rasteve të regjistruara deri tani, në 4,490,438, ndërsa vdekjet në 127,782.