Imazhi i një dinozauri me fjalët “Mos zgjidhni shfarosjen’ është projektuar mbi ndërtesën e qeverisë së kosovës në prishtinë për të shënuar përfundimin e samitit mbi klimën, në Glasgou, dhe për të promovuar aksionin për klimën. Samiti për klimën në fakt u shty përtej kohës së paracaktuar për mbylljen e tij, për shkak se vendet e pasura nuk kanë mundur ti përmbahen premtimit të tyre të hershëm për të siguruar 100 miliardë dollarë cdo vit në ndihmë të vendeve vulnerabël që duhet të përgatiten për më të keqen. Përfaqësuesja e UNDP në Kosovë, Maria Suokko, tha se ishte zgjedhur të projektohej imazhi i dinozaurit mbi ndërtesën e qeverisë për të shpërndarë mesazhin e rëndësishëm.