Një automjet tip Benz është djegur gjatë natës në qytetin e Korçës. Në një video të siguruar nga Top Channel, shihet dhe momenti kur autori e lag pjesën e përparme të automjetit me benzinë dhe I vë flakën. Në momentin e zjarrit ndodhi një shpërthim dhe Autori nuk mundi të largohej në kohë. Ka dyshime se ai ka marrë lëndime, por nuk është raportuar asnjë i plagosur në spital deri më tani. Makina ishte e parkuar para banesës pranë vendit të quajtur “Ura e fajancës”. Pronari i mjetit është shtetasi Klodian Cacani, i cili nuk njihet si person me precedent penal.
Më shumë ↓ 
