Dy automjete janë përfshirë nga flakët në zonën e njohur si ish-URT në Durrës. Ngjarja është regjistruar në orët e para të mëngjesit të së martës. Mësohet se zjarri ka rënë fillimisht në makinën e kryeinxhinierit të OSHEE-së Arben Alushi, dhe më pas si pasojë e përhapjes së flakëve është djegur dhe një automjet tjetër, që ishte i parkuar pranë automjetit tip “Benz”. Zjarri dyshohet të jetë i qëllimshëm, ku dyshohet se mund të jetë i lidhur me detyrën e Arben Alushit. Sipas hetimeve të para, zjarri iu vu automjetit të Alushit dhe më pas u përhap në makinën tjetër, duke shkaktuar dëme të konsiderueshme. Policia ka nisur një hetim të plotë dhe po merret me pamjet fimike në kamerat e sigurisë në zonë për të zbardhur dinamikën e ngjarjes. Hetuesit po kryejnë veprime për të identifikuar dhe për të vënë përpara përgjegjësisë ligjore autorët e përfshirë.