Pas këtyre thirrjeve nacionaliste dhe ksenofobiste si: “shqiptar i mirë është shqiptar i vdekur”, “dhoma gazi për shqiptarët”, apo dhe “Maqedoni e pastër”, ka reaguar kryeministri maqedonas Hristijan Mickoski I cili I ka dënuar. Thirrjet ndodhën gjatë ndeshjes së basketbollit mes Maqedonisë së Veriut dhe Rumanisë, ndërsa I pranishëm ishte vetë dhe kryeministri si dhe kabineti I tij qeveritar. “Dua ta shfrytëzoj këtë rast për t’iu bashkuar dënimit të nacionalizmit dhe ksenofobisë – së pari për atë që ndodhi gjatë ndeshjes së basketbollit ndërmjet Maqedonisë [së Veriut] dhe Rumanisë, e më pas për të dërguar një mesazh te të gjitha grupet e tifozëve: të mbështesin në mënyrë sportive, ta përkrahin ekipin e tyre dhe përfaqësuesen kombëtare të Maqedonisë”, tha Mickoski ndërsa nënvizoi se thirrjet kundër shqiptarëve “do të jenë objekt hetimi dhe sanksionesh”. nga ana tjetër prokuroria maaqedonase njoftoi se ka nisur hetimet për këtë ngjarje. Gjatë një prononcimi për media më 4 gusht tha se edhe pse ishte i pranishëm në sallë, nuk i “vuri re” tifozët që brohoritën këto thirrje, pasi sipas tij u bën nga një grup I vogël njerëzish. “Dua të përsëris edhe një herë: e dënoj në mënyrë absolute brohoritjen e pazakontë dhe të papranueshme të disa individëve, të cilët nuk hasën në mbështetje nga asnjë prej të pranishmëve në sallë”, tha ai. Kodi Penal i Maqedonisë së Veriut e dënon gjyhën e urrejtjes deri në pesë vite burg.