Prokuroria e Posacme antikorrupsion përfundoi hetimet dhe coi për gjykim dosjen e të pandehurit Leonard Palushi, i akuzuar për veprën penale të “Korrupsionit pasiv të personave që ushtrojnë funksione publike’’. Ish komisari ra në pranga në maj të vitit 2022, pas një operacioni të organizuar nga SPAK dhe policia e shtetit. Ai u arrestua pasi prishi provat e krimit të ekzekutimit të shtetasit Emiliano Ramazani, duke fshehur armën e krimit, e gjitha kjo për llogari të një grupi kriminal që operonte në zonë. Ngjarja ndodhi në muajin korrik të vitit 2020, në kohën kur Palushi ka qenë efektiv në Drejtorinë e Policisë së Qarkut Elbasan, ku ushtronte detyrën e Shefit të Sektorit për Hetimin e Krimeve. Ky i fundit dyshohet se coi hetimet në një tjetër drejtim, për të ndihmuar Erjon Alibejn, i cili urdhëroi vrasjen e Ramazanit.