Në Kosovë, ligji u jep deputetëve të drejtën që të marrin një pagë kalimtare për 12 muaj pasi ju përfundon mandati. Sipas hulumtimeve të KosovaPress këtë të drejtë e kanë shfrytëzuar 101 deputetë nga legjislatura e kaluar, edhe pse shumica e tyre kanë siguruar sërish ulëse në Kuvend pas zgjedhjeve të 9 shkurtit. Jakaj: “Kur është miratuar Ligji për të drejtat dhe përgjegjësitë e deputetit në vitin 2010 është paraparë edhe paga kalimtare në periudhën prej 12 muaj pas mbarimit të detyrës. Në kuptimin nëse japin dorëheqje apo nuk rizgjidhen deputetë apo për arsye të tjera. Deputetët kanë të drejtë të marrin këtë pagë kalimtare nëse nuk rizgjidhen deputetë. Shumica prej tyre që janë zgjedhur, kanë aplikuar për pagë kalimtare, pasi Kuvendit i ka përfunduar mandati me 22 mars 2025 dhe ata nuk do të kenë pagë deri sa të konsituohet Kuvendi i ri. Meqenëse Kuvendi i ri nuk duhet se kur do të konstituohet, deputetët e shfrytëzojnë këtë periudhën ndërmjet konstituimit të ardhshëm në mënyrë që mos të mbesin pa një pagë”, Paga bazë e deputetëve të Kuvendit të Kosovës është 1800 euro. Privilegje më të mëdha kanë ish-presidentët e Kosovës, ku pas përfundimit të angazhimit të tyre në këtë pozitë, marrin 70 për qind të pagës.