Në intervistën me Oprah Winfrey, Meghan Markle bëri shumë pohime të forta, dhe një prej tyre, edhe pse më pak I bujshëm se cështja e racizmit, ishte rrëfimi I dukesës se tre ditë përpara dasmës madhështore në sytë e të gjithë botës, ata kishin lidhur fshehurazi kurorë në kishën St George në Windsor në 19 maj 2018. Meghan tha se ceremoninë e kishte drejtuar kryepeshkopi I Canterbury, Justin Welby. Ajo cfare u pa tre dite me vone ishte thjesht një show për botën, tha 36 vjecarja. Por një dëshmitar I të gjithë këtij momenti, thotë se gjërat nuk kanë qenë tamam ashtu. Kleriku Stephen Borton, I tha “The Sun” se Meghan është qartazi “ e hutuar dhe e keqinformuar”. “ Ata nuk u martuan tre ditë përpara nga kryepeshkopi I Canterbury. Licenca speciale, në hartimin e të cilës ndihmova unë vetë , I lejoi që të martoheshin në kishë dhe ajo cfarë ndodhi këtu në 19 maj 2018 dhe u pa nga miliona njerëz anembanë botes ishte martesa zyrtare e njohur nga Kisha e Anglisë dhe nga ligji”, u shpreh ai, duke shtuar se ajo cfarë ndodhi në kishë ishte më shumë një lloj prove gjenerale. Ndërkohë edhe certifikata e martesës, e bërë publike së fundi, I rrëzon pretendimet se ata ishin martuar përpara.